-
رباعيات صلاح جاهين
يا مشــرط الجراح امــانة عليــــــــك
وانت ف حشايـا تبص مـن حواليــك
فيه نقطة سودة فى قلبى بدأت تبــان
شيلها كمان ... والفضل يرجـع اليـك
عجبى
غمض عنيـــك وارقـص بخفـة ودلـع
الدنيـــا هى الشابــة وانت الجــــــدع
تــشوف رشــاقة خطوتــك تعبــــــدك
لكن انت لو بصيت لرجليك ..... تقـع
عجبى !!
حاسـب من الأحـزان وحـاسب لهــــا
حاسـب على رقبتــك من حبلهـــــــــا
راح تنتـــهى ولا بـــد راح تنتــــــهى
مـش انتهـــت احـــزان من قبلهـــــــا
عجبى !!
ولدى نصحتك لمــا صوتى اتنبــــح
ما تخـــاف مــــن جنى ولا من شبح
وان هب فيك عــفريت قتيل اســـألة
ما دفعش ليه عن نفسة يوم ما اندبح ؟
عجبى!!
يا عندليب ما تخـــــاف من غنوتك
قـــول شكوتك واحكى على بلــوتك
الغنوة مش هتمــــــوت انمــــــــــا
كتم الغنـــــا هو الى هيمـــــــــوتك
عجبى !!
ما انتاش بتلعب ليه يا روح بابا ؟
ولا عسكرى ولا لص فى عصابة ؟
إلعب أسد أو ديب رهيب أو غزال
دى الدنيا فى نهاية المطاف غابة
عجبى !!
ياللى بتبحث عن الــــــــــه تعبده
بحث الغريق عن أى شئ ينجــدة
الله جميل وعليم ورحمــــن رحيم
إحمل صفاته ... وانت راح توجدة
عجبى !!
الأرض شوك أيوه لكن هــــــــايش
والحمرة مش يعنى الطريق حايش
دى دمنا السيال . وبشرة خيــــــر
ان انتى عايشـــة وان انا عايــــش
عجبى !!
مركب ورق مش نفخــــــة تطوح
ركبتهــــــــا والكل بيــــــــــــــلوح
سوحت فيها اتنين وخمسين سـنه
للآن . ولا بتغـــــرق ولا تـــــروح
عجبى!!
يا خالق الكون بالحساب والجبر
وخالقنى ماشى بالاختيار والجبر
كل الى حيلتى زمزميــــة أمـــل
وازاى تكفينى لبـــــــاب القبر ؟
عجبى !!
قالوا السياسة مهلكة بشكل عـــــام
وبحورها يابنى خشنة مش ريش نعام
غوص فيها تلاقى الغرقانين كلهــم
شايلين غنايم . والخفيف اللى عـام
عجبى!!
-
[align=center] بسم الله الرحمن الرحيم
السلام عليكم ورحمة الله وبركاته
وعجبى
[/align]
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
المفضلات