الحقيقه انا نسيت ابارك مخصوص لسياده االلواء حسن عبد الرحمن مدير جهاز مباحث امن الدوله البراءه واباركله عوده امن الدوله اللى كانت بتحافظ على الامن والدوله واللى عمرها ماعذبت مواطن مصرى شريف ولا كهربته ولا قتلته امام اسرته ولا عمرها ضيعت عمر شاب مصرى كان بس بيسال حقه فين ولا عمرها قهرتنا وداست على كرامتنا بالجزمه
وختمتها طبعا بقتل سيد بلال اصله كان ارهابى وفجر كنيسه القديسين ويستاهل طبعا لكن حسن عبد الرحمن وامن الدوله مين يقدر يتكلم وبعدين مين اللى قال انهم هما اللى دهسوا الجماعه الاسلاميه فى اسيوط بالمدرعات ياجماعه هما اللى اجروا المدرعات واجروا واحد يدوس عليهم ماحدش يقدر يتكلم لازم طبعا ياخد براءه وعارفين مين اللى بجد المفروض يتحبس وائل غنيم وشباب الثوره كلهم لانهم عيشونا فى وهم كبير اسمه الثوره واسمه مصر هتقدر عيشونا فى وهم العدل والحريه والكرامه
حسبى الله ونعم الوكيل
وحياه دمك ياشهيد ثوره تانى من جديد
رد مع اقتباس
المفضلات