أخوكم فى ورطة محتاج المساعدة
[align=center]السلام عليكم ورحمة الله وبركاته [align=center][/align]
فى البداية يا جماعة إزيكم و كل سنة و إنتم طيبين
الحقيقة أنا لا محامى و لا خريج قانون أنا واقع فى رطة و عاوز حل جذرى و قلت من الآخر مش هيفيدنى غير منتدى قانونى لأن الخبرة هتكون كلها فيه و هتكون صح لأن الرأى هيعتمد على أكثر من وجهة نظر و نقاش مستمر هيوصلنا لحل كويس.
الصورة دى هتبين لنا الفولة و اللى فيها:
http://www7.0zz0.com/thumbs/2010/04/24/18/296456252.jpg
بص بقى يا أستاذ / [you]
اللى انا عاوزة من سيادتك إستشارة فى الصورة اللى قدامك دى عن إية يا سيدى
زى ما سعدتك شايف هتلاقينى راسم لك بيتى و قدام بيتى أرض فضاء كانت زمان جنينة فيها شجر فواكة و الذى منه بس الحمد الله بارت المهم ان انا عامل عليها سور من كل ناحية لآخر ملكى و جيت عند الحد البحرى بتاعى و سبت الحد دا من غير سور و خليتة مفتوح اخرج و أدخل منه لأن الفتحه دى على الطريق السريع مباشرة المهم إن أنا قدامى ساقية و دى الحد البحرى بتاعى و الساقية دى موجوده الوقتى بس واقفة و مردومة و الكلام دا من حوالى عشرين سنه و كل اللى انا عاوزه إزاى أضم الأرض اللى عليها الساقية دى لأرضى من غير محضر إثبات حاله و وضع اليد لأن أنا مش واضع يد و لا فى شهود للكلام دا و أصلا مفيش حد واضع إيده عليها .
دا غير إن أصلا حتة الأرض دى مش مسجلة فى المساحه برقم قطعه و لا ليها شهادة بيانات فى السجل العينى و لا ليها مالك و لا إصحاب و لا أى حاجه فى ورق الحكومه كل اللى إحنا نعرفه إن الحوض بالكامل كان بيروى منها و طبعا الحوض دا يا جماعه كان حوالى خمس أفدنه و طبعا لو جيت تشترى هتشترى من مين و مفيش حد معاه ورق بيها دا غير إن فى اللى هيبيع لك و غيرة هيقف لك و غيرهم هيغنى عليك فى السعر.
فرجاء يا إخوة تساعدونى و تفيدونى و تقولوا لى انا أعمل إية بشكل قانونى و رسمى بحيث إن أضم القطعه دى لملكى و شكرا جزيلا لكم على متابعتكم الموضوع.[/align]
شـكــ وبارك الله فيك ـــرا لك ... لك مني أجمل تحية .
