عصام السيد يكتب: انا بنت مصر

عشرة الصــبح فـ يوم الاتـنين
رايـح شـغلى بقول يا مـعين
شافنى سألنى عم حسين
روحت جاوبتوا
قالى كمان ممكن سؤالين
قولتلو أسأل يالله وقوول
رد وقالى طول بالك مش معقول
طيب حاضر يالله يا سيدى ياعم فضووول
ممكن أعرف أية اللى بيحصل فى التحرير؟
قولتلوا عادى قامت ثورة ودة تغير
قال أسمالله !! طــب والــبــت بتنزل ليه ؟
رود يا سيدى ساعدت البيه
قولتلو عادى ثورة ولازم كلوا يروح
محسن، فاطمة، عبد الهادي، أو ممدوح
قال تستاهل اللى جرالها
قولت ...... يا سيدى ......... سيبها فــ حالها !
يعنى مصدق اللى جرالها
قالى يا عم دة فوتوشوب
قولت تعالى أستنى ستوب
بنـت ونزلت للتحرير ... لجل الثورة والتغير
بنت بلدنا .. بنت عفيفة
نفسها تبقى ..... بلدها نضيفا
رد وقالي
ســيبوا العجلة تـمـشى شوية
يالله يا عجلة لفى ودورى شوفى هيعمل أية جنزووري
يــخرب بيتك فـين النخوة !!؟ .. زيـك زى البعداا الأخــوة
نخوة مين وأنا مالى ياعم
قولتلوا عاارف أنا مكسوف إنك أنت يا صاحبى خررووف
برررق عينووا
و قال وأنا مالي
لا هى بـــت عمـى ولا بــت خاالي
قولتلوا عارف البـنـت مـين ؟
حَمررر وشووه وهرش فى راسهُ
ورااح مغمض عينوا اليمين
قولى يا عم ............... الحلوة ميــن ؟؟
قولت الحلوة دى تبقى مصـــر
أتهــز طــولهُ وجَف حلـقوُا
وقال دا ربك ... عالم بخلقوُا
عَنها وعنيه زى السحَااب
تمطُر دمووع تمطُر عِتااب
قولتلوا أُمك، بِنتك, مِراتك
ومـش بعيد الـست حـَـماتك
عاارف يا صاحبى دول يبقوا مين ؟
رد وجاوبنى دووول يبقــوا مصــر
و صـَـرخ بـًصوُت مَليان دِمـوُع
بِنَبره عالية من غيـر رجوُع
أأأأأأأسف ياااااااامصـــــر
لازم يا بلدى أرد إعتبارك
من كل ظالم قهرك وجارك
خلاص زهقنا صمت وسُكااات
وكل حاااجة تهون علينا
إلا يا نااااس عرض البنااات

المصدر
اليوم السابع